Testo di Quanno nascette Ninno
Quanno nascette Ninno a Bettelemme,
Era notte e parea mmiezo juorno!
Maje le stelle
Lustere e belle
Se vedettero accussì!
La chiù lucente
Jette a chiammà li Magi, in Oriente.
No 'n c'erano nemice ppe la terra,
La pecora pascea co lo lione,
Co le crapette
Se vedette
Lu liopardo pazzià:
L'urzo e o vitiello,
E co lu lupo 'n pace u pecoriello.
Guardavano le pecore lu pasture;
E l'Angelo, sbrannente chiù de lu sule,
Comparette,
E le dicette:
No ve spaventate, no!
Contento e riso:
La terra è arreventata Paradiso!